Бухоро вилояти дзюдоси режалари муҳокама қилинди

Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов бу сафар Бухоро вилояти дзюдоси мутасаддилари билан ZOOM платформасида ташкил этилган онлайн мулоқотда юқорида айтилган масалалар юзасидан фикр алмашди. 

"Бухоро вилояти Ўзбекистонга Олимпиаданинг уч карра бронза медали совриндори Ришод Собировни тайёрлаб берган. Олот дзюдо мактабини бутун дунёда билишади. Бу замин ҳамиша истеъдодли дзюдочиларга бой бўлган. Бугунги кунда Шаҳрам Аҳадов мисолида бу дзюдочиларни кўришимиз мумкин. Биз биргаликда вилоят дзюдосини янги босқичга олиб чиқиш учун ҳаракат қилишимиз керак", - деди А.Камилов.