"Буюк ипак йўли" турнирида умумжамоа ҳисобида иккинчи бўлдик, Қозоғистон эса учинчи

Мусобақада Тўлқин Қиличев бошчилигидаги ўзбекистонлик чарм қўлқоп усталари 3 та олтин, 2 та кумуш ва 3 та бронза медалини қўлга киритиб, умумжамоа ҳисобида иккинчи ўринни эгаллади. Бу борада биринчи ўрин мезбон - Озарбайжон терма жамоасига насиб қилди - 4 та олтин, 3 та кумуш, 7 та бронза. Кучли учликка эса 1 та олтин, 5 та кумуш ва 2 та бронза медали қўлга киритган қозоғистонлик чарм қўлқоп усталари якун ясашди. Бундан ташқари Россия ва Марокаш вакиллари ҳам мусобақада биттадан олтин медалга эга чиқишди.