20 мар 15:15
Янгиликлар

Бокс/ММА

Чак Норрис Гавайидаги шифохонага тушиб қолди

Кино ва жанг санъати афсонаси Чак Норрис Гавайида касалхонага ётқизилди.

Маълумотларга кўра, Норрисга зудлик билан тиббий ёрдам керак бўлган ва у тез ёрдам машинасида шифохонага етказилган. Тафсилотлар ошкор этилмаган, бироқ актёрнинг яқинлари унинг руҳи тушмагани ва жанговар кайфиятда эканини маълум қилишган.

Норрис Гавайига навбатдаги фильмининг суратга олиш ишлари якунланганидан кейин ўзининг 86 ёшини нишонлаш учун учиб келганди.

"Мен кексаймаяпман, шунчаки янги босқичга кўтариляпман", - деб ёзганди Чак Гавайига келган биринчи куни ўзининг ижтимоий тармоқдаги саҳифасида.

Маълумот учун, Чак Норрис каратэ, дзюдо, Бразилия жиу-житсуси, таэквондо каби бир нечта яккакураш спорт турларида қора белбоғ соҳиби ҳисобланади. Ўтган асрнинг 80-йиллари бошида у Бразилия жиу-житсуини АҚШда тарғиб қилишда муҳим роль ўйнаган.