14 май 17:41
Янгиликлар

Футбол

Чемпионлар лигаси финалида ишлайдиган ҳакам номи маълум бўлди

"Ливерпуль" ҳамда "Тоттенхэм" ўртасидаги Чемпионлар лигаси финал баҳсини бошқарадиган ҳакам номи эълон қилинди.

Финални Дамир Скомина бошчилигидаги словениялик ҳакамлар бошқаради. Қанотларда Юре Прапортник, Роберт Вулкан ишлайди. Тўртинчи рефери Антонио Матео Лаос. VAR хонасида Данни Маккели, Пол ван Бокел, Феликс Зваер, Марк Борш ишлайди.

Эслатиб ўтамиз, Дамир Скомина Парижда бўлиб ўтган ПСЖ ҳамда "Манчестер Юнайтед" ўртасидаги Чемпионлар лигаси 1/8 финал жавоб учрашувида ишлаган эди. Баҳс 3:1 ҳисобида "қизил иблислар" ғалабаси билан якунланган.