02 окт 07:45
Янгиликлар
Теннис
Чендуда чемпион бўлган Истомин энди қайси турнирда қатнашади?
Хабар берганимиздек, кеча Хитойнинг Чэнду шаҳрида теннис бўйича соврин жамғармаси 1 028 885 АҚШ долларидан иборат турнир Денис Истоминнинг ғалабаси билан якунланган эди.
Ҳамюртимиз мусобақа давомида рейтингда ўзидан анча юқорида турган рақибларини мағлубиятга учратишга муваффақ бўлганди. Бу Истомин учун фаолиятидаги иккинчи соврин эди.
Кўпчиликни Дениснинг энди қайси турнирда иштирок этиши қизиқтириши табиий. Мамлакатимизнинг биринчи ракеткаси бу ҳафта хордиқ чиқаради. У 9 октябрь куни асосий тўр баҳслари бошланувчи Тошкент “Челленжер” турнирида маҳоратини намойиш этади.
Пойтахтимиздаги Республика олимпия захиралари коллежи кортларида ўтказилувчи турнирнинг соврин жамғармаси 150 000 АҚШ долларини ташкил қилади. Ўтган йилги турнир финалида Истомин мағлубиятга учраб, Тошкент “Челленжер”и вице-чемпионига айланган эди.
Ҳавола :
Манба : olamsport.com
Фикрлар