04 май 16:07
Янгиликлар

Бокс/ММА

Чимаев Стриклендга қарши жангда секунданти ким бўлишини айтди

Ўрта вазнда UFC чемпиони Хамзат Чимаев 10 май тонгида АҚШнинг Ньюаркида ўтказиладиган UFC 328 турнирининг асосий жангида Шон Стрикленддан камарини ҳимоя қилади.

БАА шарафини ҳимоя қилиб келаёган чеченистонлик аралаш яккакураш устаси чемпионлик жангида бурчагида ким секундант бўлишини очиқлади.

"Арман Царукян секундантим бўлади. У доим бирга бургер ейишимиз кераклигини айтади. У менга омад олиб келади", — дея Чимаевнинг сўзларини келтиради Bloody Elbow.

Маълумот учун, Хамзат Чимаев Шимолий Америка лигаси тарихида профессионал даражада мағлубиятсиз чемпион бўлишга эришган 16-жангчига айланди. Унинг рекордида 15 та ғалаба бор, улардан 12 таси муддатидан олдин қўлга киритилган ва бирорта ҳам мағлубият йўқ.