31 мар 20:53
Янгиликлар

Теннис

Циципас Майамидаги турнирнинг 1/4 финалига йўл олди

АҚШнинг Майами шаҳрида ўтказилаётган теннис бўйича "Мастерс" сериясига кирувчи турнир ўзининг қизғин палласига кирди.

Жаҳоннинг бешинчи ракеткаси, грециялик теннисчи Стефанос Циципас мусобақанинг тўртинчи даврасида ATP рейтингининг 34-поғонасини эгаллаб турган италиялик Лоренцо Сонегони 6/2, 7/6 ҳисобларида мағлуб этди.

Бир соату 31 дақиқа давом этган учрашувда 22 ёшли Циципас учта эйс зарбани амалга оширди. Тўпни ўйинга киритишда хатога йўл қўймади, иккита брейк-поинтни қайд этди. 25 ёшли Сонего эса икки марта қўшхатога йўл қўйди, бир бор брейкни амалга оширди. Бу теннисчиларнинг ўзаро биринчи расмий учрашуви эди.