01 апр 08:18
Янгиликлар

Баскетбол

"Даллас" кетма-кет учинчи мавсум NBA плей-оффига чиқди

Теглар : NBA

Кливленддаги (АҚШ) "Rocket Mortgage FieldHouse" аренада NBA мунтазам чемпионати доирасида ўйин бўлиб ўтди.

Унда "Кливленд Кавальерс" "Даллас Маверикс"ни қабул қилди. Учрашув 120:112 ҳисобида меҳмонларнинг ғалабаси билан якунланди.

Шу тариқа, "Даллас" жамоаси кетма-кет учинчи мавсум Миллий баскетбол ассоциациясининг плей-офф босқичига йўл олди. Мавериклар ҳозирда Ғарбий конференция турнир жадвалида тўртинчи ўринда бормоқда.

Эслатиб ўтамиз, жорий мавсум NBA тарихидаги юбилей 75-мавсум ҳисобланади. Плей-офф ўйинлари 16 апрель куни бошланади ва июнь ойи ўрталаригача давом этади. Ушбу босқичда Ғарбий ва Шарқий конференциядан 8 тадан жамоа жами 16 та клуб иштирок этади. Ҳар бир жуфтлик ғолиби еттита ўйиндан иборат серияда аниқланади (тўртта ғалабагача).

Ҳавола :

Манба : championat.com

Рейтинг: