Де Ла Хойя Ортиснинг фаолиятини барбод қилишда менежерни айблади

Шу йил бошида Ортис Де Ла Хойянинг Golden Boy промоутерлик компанияси билан шартномани бекор қилиш талаби билан судга мурожаат қилганди. Аргументлардан бири промоутернинг трансляция шартномаси йўқлиги эди, аммо яқинда Golden Boy ва DAZN янги узоқ муддатли шартномани эълон қилди.

Суд эса Ортисга Golden Boy билан шартномаси бўйича ҳакамлик жараёни якунланмагунча учинчи шахслар билан жанг ўтказиш бўйича шартномалар имзолашни тақиқлади ва бу ҳар қандай суд каби чўзилиб кетиши мумкин.

"Бу илон учун ҳаммаси ахлатга айланди, - деди Де Ла Хойя ижтимоий тармоқдаги видеода Мирижиана ҳақида. - Невада суди Виржилни жангсиз қолдирганидан бир неча ҳафта ўтгач, биз DAZN билан ҳамкорликни узайтирганимизни эълон қилдик. Энди у адашганини тушуниб етди".

Де Ла Хойянинг сўзларига кўра, энди у суд қарорини кутмоқчи ва Мирижиан билан бошқа ишламайди.

"Рик тўсатдан менга қайта қўнғироқ қилиб, ишларни тўғрилашни сўраб, хабарлар ёғдира бошлади, - дея қўшиб қўйди Де Ла Хойя. - Аблаҳ, сен боксчимни шартномани бекор қилиш учун мени судга беришга кўндирган эдинг. Ҳозир Виржилнинг мартабаси сенинг очкўз маслаҳатларинг туфайли барбод бўлди. Келишмоқ вақти ўтди. Сен мени кўммоқчи бўлдинг, лекин ўзингни ҳам, Виржинни ҳам доғда қолдирдинг. Ҳозир сени фақат ҳуқуқшунослардан даҳшатли ҳисоб-китоблар кутмоқда. Мен энди ҳеч қачон Рик Мирижиан билан ишламайман ва боксчилар эҳтиёт бўлишлари керак".