21 окт 12:54
Янгиликлар

Бокс/ММА

Деметриус ўрта вазнда WBO чемпиони бўлди

Америкалик 30 ёшли Деметриус Андрейд ўрта вазн тоифасида вакант бўлиб қолган WBO чемпионлик камарини қўлга киритди.

У рейтингда иккинчи ўринни эгаллаб турган Уолтер Каутондоквани катта устунлик билан мағлуб этди. Ҳакамлар 12 раундлик жанг якунида 119-105, 120-104, 120-104 ҳисобида Андрейднинг ғалабасини таъминлашди.

Эътиборлиси, намибиялик Каутондоква бугунги мағлубиятига қадар кетма-кет 16та жангда ғалаба қозонган эди. Уолтер жанг давомида тўрт маротаба нокдаун ҳолатига ҳам тушиб қолди.

Эслатиб ўтамиз, Андрейд аслида ушбу чемионлик камарини 2015 йилдан бери ўзида сақлаб келаётган британиялик Билли Жо Сондерс билан тўқнаш келиши керак эди. Лекин Сондерсда допинг аниқлангач, WBO чемпионлик камари вакант, яъни эгасиз дея эълон қилинганди.