11 ноя 07:55
Янгиликлар
Теннис
Денис Истомин Братиславадаги турнирда мағлубиятга учради
Мамлакатимизнинг биринчи ракеткаси Денис Истомин Словакия пойтахти Братислава шаҳрида ўтказилаётган турнирнинг яккалик баҳсларидаги иштирокини якунлади.
Ҳамюртимиз соврин жамғармаси 85 минг еврони ташкил этувчи ушбу “Челленжер” туркумидаги турнирнинг илк даврасида асосий тўрга имтиёзли йўлланма асосида қўйилган словакиялик Томас Лискани 7:6(3), 6:1 ҳисобида мағлуб этганди.
Афсуски, Денис чорак финал чиптаси учун кечган учрашувда мағлубият аламини тотиб кўрди. Украиналик Сергей Стаховскийга қарши кечган баҳсда вакилимиз 6:7, 3:6 ҳисобида ютқазиб қўйди. Икки теннисчи ўртасидаги ўзаро ўйинларда Стаховский 4:3 ҳисобида олдинга чиқиб олди.
Ҳавола :
Манба : olamsport.com
Фикрлар