25 авг 09:28
Янгиликлар

Теннис

Денис Истомин US Open турнирида қатнашади, унинг рақиби америкалик!

Мамлакатимизнинг биринчи ракеткаси Денис Истомин "Катта Дубулға" туркумига кирувчи турнирларнинг сўнггиси ҳисобланган АҚШ Очиқ чемпионатида иштирок этади.

Айни пайтда US Open мусобақасининг саралаш турнири ўтказилаётган бўлиб, асосий тўр баҳсларига душанба куни старт берилади. Ушбу нуфузли мусобақада ҳамюртимиз Денис Истомин ҳам иштирок этади.

Қуръа натижасига кўра Истомин илк даврада америкалик Стив Жонсонга қарши кортга чиқадиган бўлди. Мамлакатимизнинг биринчи ракеткаси бироздан сўнг Осиё ўйинларининг теннис мусобақаси яккалик баҳсларининг ҳал қилувчи финал учрашувида хитойлик Йибинг Вуга қарши кортга чиқади.

Таққослаш учун, Денис Истомин дунё рейтингида 75-ўринни эгаллаб турибди. Жонсон эса 34-поғонадан жой олган. Икки теннисчи шу кунгача ўзаро бир маротаба тўқнаш келишган. 2015 йилнинг 18 сентябрь куни Тошкентда АҚШ терма жамоасига қарши кечган баҳсда Истомин Жонсонни 6:1, 3:6, 7:6(5), 6:7(3), 7:5 ҳисобида мағлуб этган эди.