Деонтей Уайлдер: “Жошуа 50 миллионни рад этди, у шунчаки қўрқоқ!”

Супероғир вазн тоифасидаги ҳар икки боксчи ҳали фаолиятида мағлубият ва дуранг қайд этмаган. Уайлдер (40-0, 39 нокаут) энг нуфузли WBC йўналишида жаҳон чемпиони бўлса, британиялик Жошуа (22-0, 21 нокаут) эса WBA, WBO ва IBF чемпионлик камарларига эгалик қилмоқда.

“У шунчаки қўрқоқ! Акс ҳолда таклиф этилган 50 миллион долларлик гонорарга розилик берарди. Энтони менга қарши жангдан ўзини олиб қочмоқда. Жошуа ва унинг жамоаси томонидан айтилаётган гапларнинг бари баҳонадан бошқа нарса эмас”, - деди Уайлдер.

Эслатиб ўтамиз, Деонтей Уайлдер 1 декабрь куни АҚШда бошқа британиялик боксчи, собиқ жаҳон чемпиони Тайсон Фьюрига қарши рингга кўтарилади.