14 мар 18:34
Янгиликлар

Теннис

"Дэвис Кубоги" ҳамда Билли Жин Кинг Кубогида Россия ва Беларуснинг ўрнини ким эгаллаши маълум

Халқаро теннис федерация "Дэвис Кубоги" ҳамда Билли Жинг Кинг Кубогида Россия ва Беларусь терма жамоаларининг ўрнини эгаллайдиган давлатларни эълон қилди.

Эътиборлиси, Россия терма жамоаси "Дэвис Кубоги"нинг амалдаги ғолиби ҳисобланади. Чемпионнинг ўрнини бошқалардан рейтинги юқорироқ бўлган ўтган йилги ярим финалчи Сербия терма жамоаси эгаллайди. Беларусь терма жамоаси эса шунчаки Жаҳон гуруҳидан олиб ташланди. Уларнинг ўрнига Мексика кейинги босқичга чиқди.

Билли Жин Кинг Кубогига келсак, унда Россия терма жамоасини Австралия алмаштирди. Айнан Яшил қитъа жамоаси қолган ярим финалчилар орасида энг рейтинги баланди ҳисобланади. Бу турнирда Беларуснинг ўрнини Бельгия эгаллайди. Беларусь ва Бельгия терма жамоалари саралаш ўйинида ўзаро учрашишлари керак эди.

Эслатиб ўтамиз, ITF Украинадаги воқеалар сабаб Россия ва Беларусь терма жамоаларини барча мусобақалардан четлатган.