19 сен 09:33
Янгиликлар

Теннис

Дэвис Кубоги. Норвегия - Ўзбекистон учрашувида бешинчи баҳсга ҳожат қолмади

Осло шаҳрида теннис бўйича норасмий жаҳон чемпионати ҳисобланган Дэвис Кубогининг жаҳон гуруҳи биринчи босқичидан ўрин олган Норвегия ва Ўзбекистон терма жамоалари ўртасидаги учрашув якунланди.

Кеча ушбу жуфтлик доирасида иккита учрашув бўлиб ўтди. Аввалига Денис Истомин / Санжар Файзиев жуфтлиги Каспер Руд / Виктор Дурасович тандемини 7/6, 6/4 ҳисобларида мағлуб этиб, ҳисобни қисқартирган эди - 2:1.

Афсуски, тўртинчи ҳал қилувчи баҳсда тажриба ўз сўзини айтди. ATP рейтингида 567-поғонадан жой олган теннисчимиз Санжар Файзиев дунёнинг 10-ракеткаси бўлиб турган Каспер Руудга 3/6, 1/6 ҳисобларида имкониятни бой берди. Бу билан терма жамоалар ўртасидаги сўнгги учрашув - Ҳумоюн Султонов ва Виктор Дурасович баҳсининг ўтказилишига ҳожат қолмади.