27 сен 07:24
Янгиликлар

Теннис

Девис Кубоги. Ўсмирларимиз иккинчи учрашувни ўтказишди

Венгрияда теннис бўйича терма жамоалар ўртасидаги норасмий жаҳон чемпионати - Дэвис Кубоги бўлиб ўтмоқда.

Ўн олти ёшгача бўлган теннисчилар ўртасидаги ушбу нуфузли мусобақада Ўзбекистон ўсмирлар терма жамоаси ҳам иштирок этяпти. Вакилларимиз гуруҳнинг илк учрашувида Бразилия терма жамоасига 0:3 ҳисобида ютқазиб қўйишганди.

Кеча ўтказилган иккинчи тур баҳсида энди Буюк Британия терма жамоасига имконият бой берилди. Гуруҳнинг сўнгги ўйини АҚШ теннисчиларига қарши бўлиб ўтади. Теннисчиларимиз “В” гуруҳидан жой олишган. Терма жамоамиз таркибидан Иброҳимжон Ўринов, Азизжон Дадабоев ва Олимжон Набиев ўрин олган.