07 апр 11:00
Янгиликлар

Теннис

"Дэвис Кубоги". Ўзбекистон терма жамоаси ҳисобда олдинга чиқиб олди

Ўзбекистон эркаклар теннис терма жамоаси Покистонда "Дэвис Кубоги" доирасида учрашув ўтказмоқда.

Бунгача иккита яккалик баҳслари якунига кўра ҳисоб 1:1 кўринишига келгани ҳақида хабар қилгандик.

Бугун тўқнашув доирасида жуфтлик баҳслари ўтказилди. Унда Денис Истомин/Жўрабек Каримов жуфтлиги кортга чиқди. Баҳсда теннисчиларимизга Хан/Куреши жуфтлиги рақиблик қилди. 1 соат 10 дақиқа давом этган учрашувда вакилларимиз 6:2, 6:4 ҳисобида ғалаба қозондилар.

Шу тариқа Ўзбекистон терма жамоаси учрашувда 2:1 ҳисобида олдинга чиқиб олди.

Энди навбатдаги баҳсларда режага биноан Денис Истомин Ақил Ханга, Санжар Файзиев эса Аисам Курешига қарши ўйин ўтказиши керак.