17 фев 17:14
Янгиликлар

Дзюдо

Диёра Келдиёрова кечки дастурда бронза медали учун татамига чиқади

Тель-Авив "Катта Дубулға" турнирининг биринчи кунги саралаш беллашувлари ўз якунига етиб бормоқда.

Бироз аввал -52 кг вазн тоифасида юртимиз шарафини ҳимоя қилаётган кадетлар ўртасида жаҳон чемпиони Диёра Келдиёрова ўтиш баҳсида германиялик Маша Балҳаусни иппон баҳоси эвазига мағлубиятга учратди.

Энди Диёра кечки финал дастурида Тель-Авив "Катта Дубулға" турнири бронза медали учун татамига чиқади. Унинг рақибаси венгриялик Река Папп бўлади. Река ярим финалда япониялик Рёко Такедага ютқазди.

Финал блоки Тошкент вақти билан соат 20:00да бошланади.