Диёра ва Дилшодбек Жаҳон чемпионатининг олтин медали соҳиблари

Ўз тарихида юбилей 40-маротаба ташкил этилаётган мусобақада Ўзбекистон терма жамоаси ҳам иштирок этяпти. Бугун жаҳон чемпионатининг биринчи кунги беллашувлари терма жамоамиз учун омадли келди. Диёра Келдиёрова ва Дилшодбек Баратов ўз вазн тоифаларида олтин медални қўлга киритишди. 

-52 кг вазн тоифасида юртимиз шарафини ҳимоя қилган кадетлар ўртасида жаҳон чемпиони Диёра Келдиёрова энди ҳарбийлар ўртасида ҳам жаҳон чемпионига айланди. У тўғридан-тўғри ярим финалдан баҳсларга қўшилди. Бу босқичда франциялик Чейенне Муниерни, финалда эса яна бир мезбонлар вакиласи Жулие Вейлл Дит Морейни мағлубиятга учратди. 

Эркаклар ўртасидаги мусобақанинг -60 кг вазн тоифасидаги беллашувларида татамига чиққан Дилшодбек Баратов австриялик Даниэль Леутгеб, эронлик Муҳаммад Ҳосейн, финалда эса франциялик Жолан Флоримонтдан устун келди ва шоҳсупанинг энг юқори поғонасига кўтарилди. 

Шунингдек, бугунги беллашувларда терма жамоамиз аъзоларидан Шавкат Саиткулов, Артём Штурбабин (иккиси ҳам -66 кг), Обидхон Номонов (-73 кг) ва Шукуржон Аминова (-57 кг) ҳам медаллар учун кураш олиб боришди. Аммо улардан бу сафар омад юз ўгирди.