Доҳа (WTA). Ига Свёнтек чемпионлик унвонини ҳимоя қилди

Мусобақа бош соврини польшалик Ига Свёнтекка насиб этди. Дунёнинг биринчи рақамли теннис маликаси ҳал қилувчи финал учрашувида WTA рейтингининг тўртинчи поғонасидан жой олган қозоғистонлик Елена Рибакинани мағлубиятга учратди - 7/6(8), 6/2.

Теннисчиларнинг ўзаро учрашувларида ҳамон Рибакина олдинда бормоқда - 3:2. Икки соату 17 дақиқа давом этган басда Свёнтек 2, Рибакина 3 та эйс зарбасини амалга оширган. Ига бу билан ўтган йилги чемпионлик унвонини ҳам ҳимоя қилди. Бу унинг фаолиятидаги 18-соврини бўлди. 

Польшалик теннисчи бир ҳафталик меҳнатидан 1000 рейтинг очкоси ҳамда 523,485 доллар мукофот пули ишлаб олди. Рибакина эса 650 очко ҳамда 308,320 долларга эга бўлди.