Дунёнинг бешинчи ракеткасида кутилмаган мағлубият

Сайёрамизнинг бешинчи ракеткаси Стефанос Циципас чорак финалда мағлубият аламини тотиб кўрди. Грециялик теннисчи Miami Open турнирида 37-рақам остида таснифланган польшалик Хуберт Гуркачга имкониятни бой бериб қўйди - 6/2, 3/6, 4/6.

Учрашув 2 соату 20 дақиқа давом этган ва унда Стефанос 7 та, Хуберт эса 15 та эйс зарбасини амалга оширган. Теннисчиларнинг ўзаро учрашувларида эса ҳамон грециялик теннисчи ҳисобда олдинда бормоқда - 6:2.