17 фев 11:51
Янгиликлар

Теннис

Дунёнинг биринчи ракеткаси курашсиз финалга чиқди

Сайёрамизнинг биринчи рақамли теннис маликаси Ига Свёнтек Доҳада ўтказилаётган WTA 1000 тоифасига кирувчи турнир бош соврини учун кортга чиқадиган бўлди.

Польшалик теннисчи курашсиз финал чиптасини қўлга киритди. Иганинг 1/2 финалдаги рақиби, WTA рейтингида 59-поғонада бораётган чехиялик Каролина Плишкова жароҳати сабаб кортга чиқа олмаган. Айнан Свёнтек мусобақанинг амалдаги чемпиони ҳисобланади.

Таъкидлаш жоиз, ўтган ҳафта Клуж-Напокадаги турнирда чемпион бўлган Плишкова 8 кун ичида 8 та учрашув ўтказиб, барчасида ғалаба қозонганди. Бугун Свёнтек чемпионлик ҳимояси учрашувида қозоғистонлик Елена Рибакинага қарши кортга чиқади.