Дзюдо. Сардор Нуриллаев Тбилисидаги "Катта Дубулға"да олтин медални қўлга киритди!

-66 кг вазн тоифасидаги дзюдочимиз ҳал қилувчи финал беллашувида мезбон дзюдочи, грузиялик Важа Маргелашвилига қарши татамига чиқди. Қувонарлиси, дзюдочимиз 20 сония ичида мезбон спортчини иппон эвазига мағлубиятга учратди ва олтин медалга сазовор бўлди. 

Маълумот учун, Сардор Нуриллаев Олимпиада рейтингида 3286 очко билан 14-ўринни банд этган. Табиийки, у йўлланма зонасида боряпти. Унинг рақиби анча жиддий. Важа Маргелашвили 5107 очко билан 3-ўринни эгаллаб турибди. Нуриллаев олтин медаль билан бирга 1000 рейтинг очкосини ҳам ўз ҳисобига ёзиб қўйди.