08 июл 21:51
Янгиликлар

Дзюдо

Дзюдочимиз "Катта Дубулға" финалида Олимпиада чемпионига қарши баҳс олиб борди

Венгрияда дзюдо бўйича "Катта Дубулға" туркумидаги мусобақа ўтказилмоқда.

Мусобақада -66 кг вазн тоифасида юртимиз шарафини ҳимоя қилган Раҳимжон Субхонов барча рақибларини мағлуб этган ҳолда финалгача етиб келди.

Ҳал қилувчи баҳсда эса у дзюдо ватани вакили, Олимпиада чемпиони ҳисобланган япониялик Хифуми Абега қарши баҳс олиб борди ва афсуски иппон баҳоси эвазига имкониятни бой бериб қўйди.

Шу тариқа, Субҳонов мусобақанинг кумуш медалини қўлга киритди ва қимматли рейтинг очколарига эга бўлди.