10 дек 10:43
Янгиликлар

Бокс/ММА

Эбани Бриджес IBF камарини бой берди

АҚШнинг Сан-Франциско шаҳрида профессионал бокс оқшоми бўлиб ўтди.

Унинг доирасида тўртта чемпионлик жанги ўтказилиб, улардан бирида аёллар ўртасида енгил вазн (53,5 кг) тоифаси вакилалари Эбани Бриджес (9-1, 4 KO) ҳамда Мийо Йошида (16-4) ўзаро рингда тўқнаш келишди. Жанг Эбанига тегишли IBF камари учун кечди.

Тўлиқ 10 раунд давом этган жангда Мийо Йошида ҳакамларнинг якдил қарори билан ғалаба қозониб, енгил вазнда янги IBF чемпионига айланди. Бриджес ўзи учун иккинчи чемпионлик ҳимоя жангида ютқазиб қўйди. Аслида у Аврил Матига қарши рингга чиқиши лозим эди. Аммо жароҳат сабаб Матининг ўрнини Йошида эгаллади.