Эдди Хирн ниҳоят Жейрон Эннис ва Шаҳрам Ғиёсов ўртасидаги эҳтимолий жанг ҳақида гапирди

"Менимча, Эннис тез орада ғалабали серия қайд эта олади, бироқ унда мажбурий даъвогар бор — бу Ғиёсов. Бу баъзи қийинчиликларни келтириб чиқарятпи, чунки Шаҳрам аллақачон битта жангда ўз ўрнини бўшатиб бўлган. Демак, энди у кутиб тура олмайди. Биламан, Шаҳрам ҳақиқий жангчи. У биз учун кутиб турди, чунки Ғиёсов бу жанг қанчалик муҳимлигини тушунарди. Аммо энди у: "Йўқ, йўқ, энди менинг навбатим", дейди. Нима демоқчи эканлигимни тушуняпсизми? Бу мутлақо аниқ. Шундай экан, кўрамиз, нима бўлар экан", деди Хирн.

Эслатиб ўтиш жоиз, 13 апрель куни Атлантик Ситида ташкил этилган бокс оқшоми доирасида Шаҳрам Ғиёсов аргентиналик Франко Максимилиано Окампони тўртинчи раундда нокаутга учратган эди. Ҳамюртимиз ярим ўрта вазн тоифасида WBA чемпионлик камари учун мажбурий даъвогар саналади.

Ўша оқшомнинг марказий жангида америкалик Жейрон Эннис литвалик Эймантас Станионисни олтинчи раундда техник нокаут орқали таслим этиб, ўзининг IBF камари ёнига WBA'ни ҳам қўшиб олганди.