Екатерина Александрова Чарльстондаги турнирнинг ярим финалчисига айланди

Жаҳоннинг 54-ракеткаси, россиялик Екатерина Александрова турнирнинг чорак финалида WТА рейтингида 64-ўринни эгаллаб турган польшалик Магда Линеттни 6/0, 6/2 ҳисобида мағлуб этди ва ярим финалга чиқди.

Учрашув 1 соату 3 дақиқа давом этди. Ушбу вақт давомида 27 ёшли Александрова бешта эйс зарбасини амалга оширди, тўпни ўйинга киритишда беш марта хатога йўл қўйди ва олтита брейк-пойнтдан унумли фойдаланди. 30 ёшли Линетт эса эйс амалга оширмади, иккита қўш хатога йўл қўйди ва битта брейк қайд этди. Спортчиларнинг ўзаро учрашувларида ҳисоб тенглашди, 1:1.

Чарльстондаги мусобақанинг ярим финалида Александрова швейцариялик Белинда Бенчич билан тўқнаш келади.