Свёнтек фаолиятидаги 25-совринни Сеулда қўлга киритди

Ҳал қилувчи финал учрашувида дунёнинг иккинчи ракеткаси польгалик Ига Свёнтек WTA рейтингида 11-ўринни эгаллаб турган россиялик Екатерина Александровага қарши кортга чиқди. Биринчи сетни осон бой берган Ига камбэк эвазига ғалабани ўз томонига оғдириб олди - 1/6, 7/6(3), 7/5.

Теннисчиларнинг ўзаро учрашувларида Свёнтек катта фарқ билан олдинда бормоқда - 6:2. Икки соату 46 дақиқа давом этган финал баҳсида польшалик 2, россиялик теннис маликаси 6 та эйс зарбасини амалга оширган. Қўшхатолар Игада кўпроқ бўлди - 9 га 6. Брейклар бўйича устунлик биринчи сетдаги мутлақ фаоллик эвазига Екатерина томонда бўлди - 5 га 3.

Шу тариқа, Ига Швёнтек профессионал фаолиятдаги 25-совринини қўлга киритди. Korea Open турниридаги муваффақиятли иштирок унга 500 рейтинг очкоси ҳамда 164 000 доллар мукофот пули келтирди. Вице-чемпион Екатерина Александрова эса бир ҳафталик меҳнатидан 325 очко ва 101 000 доллар ишлаб олди.