29 янв 18:26
Янгиликлар

Қишки спорт турлари, Милан-Кортина-2026

Ёмон хабар: Ўзбекистон қишки Олимпиададаги лицензиясидан айрилди

Фигурали учишнинг жуфтлик йўналиши бўйича Франция терма жамоаси аъзолари Камилла Ковалёва ҳамда Павел Ковалёв Милан ва Кортина-д'Ампеццо шаҳарлари мезбонлик қиладиган қишки Олимпия ўйинларига йўлланма олди.

Халқаро Олимпия қўмитаси (ХОҚ) Ўзбекистон делегациясига тегишли жуфтлик йўналишидаги фойдаланилмаган квота ўрнини қайта тақсимлади. Ўзбекистон МОҚ ҳозирча вазиятга муносабат билдирмади.

Аслида ушбу йўлланмани қўлга киритган Ўзбекистон терма жамоаси жуфтлиги Екатерина Гейниш ва Дмитрий Чигирев эса тарқалганидан хабарингиз бор, албатта.

Маълумот учун, Қишки Олимпия ўйинлари 6-22 февраль кунлари бўлиб ўтади.