Эктор Купер шу ҳафтада шартномага қўл қўяди

Аргентиналик 62 ёшли мутахассис Эктор Купер Ўзбекистон футбол Ассоциацияси билан шартнома имзолайди ва мамлакат бош жамоасини қабул қилиб олади.

Катта эҳтимол билан бу маросимнинг шу ҳафтадаёқ ўтказилиши кутилмоқда. Ҳозирча шартноманинг қанча муддатга имзоланиши номаълум.

Шуниси аниқки, Купер олдига биринчи галда Ўзбекистон терма жамоасини 2019 йилнинг январь ойида БААда бўлиб ўтадиган Осиё Кубогига тайёрлаш вазифаси қўйилади.  

Бу ҳақда Championat.asia сайтига мухбиримиз билан мулоқотда ЎФА раҳбарияти маълум қилди.

Эслатиб ўтамиз, Эктор Рауль Купер Россияда ўтган мундиалда Миср терма жамоасини бошқарган эди.

ЭКТОР РАУЛЬ КУПЕР (Аргентина)
Туғилган сана: 16 ноябрь 1955 йил
Туғилган жой: Санта Фе, Аргентина
Бошқарган жамоалари: "Уракан", "Ланус", "Малькорка", "Валенсия", "Интер", "Бетис", "Парма", Грузия МТЖ, "Арис", "Расинг", "Ордуспор", "Ал Васл", Миср МТЖ.
Мураббийликдаги ютуқлари: Конмебол кубоги соҳиби -1996, Испания Суперкубоги соҳиби -1998, Испания Суперкубоги соҳиби -1999.