UZ

26 фев 08:07
Янгиликлар

Бокс/ММА

Элейдер Альвареснинг гонорарини қирқишди

Ярим оғир вазн тоифасида собиқ WBO чемпиони Элейдер Альварес учун россиялик Сергей Ковалёвга қарши ўтказган жанги қимматга тушди.

Гап шундаки, Альварес учун ваъда қилинган ва кафолатланган гонорар тўрт баробарга қисқарди. Маълумотда келтирилишича, Альвареснинг Top Rank промоутерлик компанияси билан келишувига кўра боксчи ҳар бир ўтказган жанги учун бир миллион доллар гонорар олиши керак эди.

Чемпионлик унвонини бой берган Элейдернинг Top Rank билан шартномаси ўз кучида қолади. Боксчи икки йил ичида олтита жанг ўтказиши лозим. Лекин унинг гонорари энди қисқаради. Энди у ҳар бир жанги учун 250 000 доллар гонорар олади.

Бундан ташқари рақибга қараб қўшимча бонуслар ҳам берилади. Агар Альварес чемпионлик камарини қайтариб олса, ўз-ўзидан гонорар яна бир миллион долларга кўтарилади. Элейдер Альвареснинг навбатдаги жанги 15 июнь куни ўтказилади. Ҳозирча рақиб номи маълум эмас.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг