26 янв 11:06
Янгиликлар

Бокс/ММА

Емельяненко - Бейдер чемпионлик жангида ким ҳакамлик қилади?

ММА мухлислари орзиқиб кутаётган Емельяненко - Бейдер жангида ҳакамлик қиладиган рефери номи маълум бўлди.

Калифорния штати Спорт комиссияси АҚШ вақти билан бугун (Тошкент вақти билан эртага тонг саҳарда) тунда ўтказиладиган аралаш қоидалар бўйича Bellator 214 оқшомининг марказий жангида ҳакамлик қиладиган рефери номини ошкор қилди.

Унга кўра, оғир вазн тоифасидаги Гран-при турнирининг россиялик Фёдор Емельяненко ҳамда америкалик Райан Бейдер ўртасидаги финал жангини машҳур рефери Майк Белтран бошқаради. Жанг беш раунддан иборат бўлади ва ғолиб Bellator чемпионига айланади.

Маълумот учун, Майкл Белтран Емельяненконинг бундан аввалги Фрэнк Мирга қарши ўтказган жангида ҳам ҳакамлик қилган эди. Белтран сўнгги бор 2018 йилнинг декабрь ойида Жон Жонс ва Александр Густафссон ўртасидаги жангда ишлаган.