Энцо футбол тарихидаги энг қиммат трансферлар орасида нечанчи ўринга чиқди?

Transfermarkt статистик портали хабарига кўра, Фернандеснинг 145 млн евро эвазига амалга ошган ўтиши футбол тарихидаги тўртинчи энг қиммат битимга айланди. Ўтган ёзда "Ливерпуль" ҳам ҳужумчи Александер Исакнинг "Ньюкасл Юнайтед"дан трансфери учун шунча маблағ тўлаган эди. 

Рекорд ҳамон бундан тўққиз йил аввал ҳужумчи Неймарнинг "Барселона"дан "ПСЖ"га 222 млн евро эвазига ўтган битимига тегишли бўлиб турибди.

Transfermarkt талқинига кўра футбол тарихидаги энг қиммат 10 та трансфер:

1. Неймар (Бразилия) — "Барселона"дан ПСЖга 222 млн евро эвазига.

2. Килиан Мбаппе (Франция) — "Монако"дан ПСЖга 180 млн евро эвазига.

3. Усман Дембеле (Франция) — Дортмунднинг "Боруссия"сидан "Барселона"га 148 млн евро эвазига.

4. Александер Исак (Швеция) — "Ньюкасл Юнайтед"дан "Ливерпуль"га 145 млн евро эвазига.

5. Энцо Фернандес (Аргентина) — "Челси"дан "Манчестер Сити"га 145 млн евро эвазига.

6. Морган Роджерс (Англия) — "Астон Вилла"дан "Челси"га 138 млн евро эвазига.

7. Эллиот Андерсон (Англия) — "Ноттингем Форест"дан "Манчестер Сити"га 135 млн евро эвазига.

8. Филиппе Коутиньо (Бразилия) — "Ливерпуль"дан "Барселона"га 135 млн евро эвазига.

9. Жоау Феликс (Португалия) — "Бенфика"дан "Атлетико"га 127,2 млн евро эвазига.

10. Джуд Беллингем (Англия) — Дортмунднинг "Боруссия"сидан Мадриднинг "Реал" клубига 127 млн евро эвазига.