Енгилмас боксчимиз Хуршидбек Норматов АҚШда 8-жангини ўтказди

Биз учун аҳамиятлиси, оқшом доирасидаги иккита жанг бевосита ўзбекистонлик боксчилар иштирокида кечади. Ана шу жангларнинг дастлабкиси ўз ниҳоясига етди. Унда профессионал боксчимиз Хуршидбек Норматов 6 раундлик жангда рингга кўтарилди. 

Чарм қўлқоп устамизга америкалик боксчи Келвин Меткалф рақиблик қилди. Биринчи ўрта вазн тоифасида кечган жангда Норматов рақибини очколар ҳисобига кўра мағлубиятга учратди. Артур Мерканте ҳакамлик қилган жангда Хуршидбек 60:53, 60:53, 60:53 ҳисобида ғалаба қозонди. 

Шу тариқа, Хуршидбек Норматов фаолиятидаги саккизинчи ғалабасига эришди. Муддатидан аввал қозонилган ғалабалар учталигича қолди. Келвин Меткалф эса бугун иккинчи мағлубиятини қабул қилиб олди. Унинг ҳисобида 9та ғалаба ва битта дуранг натижа ҳам бор.