Енгилмас икки боксчимиз ўз жангларини ўтказишди

Жанубий Кореянинг Пусан шаҳрида ташкил этилган профессионал бокс оқшомида ҳамюртларимиздан Абдурасул Исмоилов ва Равшанбек Шерматов ҳам рингга кўтарили. Ҳар икки боксчимиз мезбонларга қарши жанг ўтказишди. 

Профессионал боксда учта жанг ўтказиб, уларнинг барчасида рақибларини нокаутга учратган Исмоиловга Ким Мин Йонг (5(1КО)-2-1) рақиблик қилди. Саккиз раундга мўлжалланган ушбу жанг тўлиқ ўтказилди ва унда чарм қўлқоп устамиз рақибини очколар ҳисобига кўра мағлубиятга учратди.  

Афсуски, Равшанбек Шерматов ўзи сингари мағлубият нималигини билмай келаётган боксчи Ганг Сун Жонгга имкониятни бой бериб қўйди. Шерматов шу кунгача 3та жанг ўтказиб, барчасида зафар қучган, битта жангда нокаут қайд этганди. Ганг эса 7та ғалабасидан 4тасини муддатидан аввал якунлаган эди. Бугун у 8-ғалабасига эришди.