06 ноя 08:43
Янгиликлар

Бокс/ММА

Енгилмас Уайлдер фаолиятини қачон якунлашини маълум қилди

Профессионал бокснинг супероғир вазн тоифасида энг нуфузли ҳисобланган WBC йўналиши чемпиони Деонтей Уайлдер фаолиятини қачон якунлаши ҳақида берилган саволга жавоб берди.

“Асосий мақсадим супероғир вазн тоифасидаги барча чемпионлик камарларини қўлга киритиш, яъни мутлоқ жаҳон чемпиони бўлишдан иборат. Яна камида 10 йил профессионал боксда жанг ўтказмоқчиман. Ҳозирги кунда асосий рақибим Энтони Жошуа бўлиб турибди. Ундаги учта чемпионлик камарларини яқин орада тортиб оламан”, - деди Уайлдер.

Эслатиб ўтамиз, америкалик Деонтей Уайлдер ўзига тегишли бўлган чемпионлик камарини 1 декабрь куни собиқ жаҳон чемпиони британиялик Тайсон Фьюридан ҳимоя қилади.