Эркин курашчиларимиз Осиё чемпионатига жўнаб кетишди

Олимжон Ҳикматов мураббийлигидаги курашчиларимиз Туркиянинг Истанбул шаҳри орқали мусобақа манзилига етиб боради. Токио Олимпиадаси совриндори Бекзод Абдураҳмонов айни пайтда АҚШда машғулотларни давом эттирмоқда. Олимпиададан кейин Абдураҳмонов вазнини бир йўла 86 килограммга кўтариб, аввалига Ўзбекистон чемпиони, кейин эса Туркиядаги рейтинг турнирида бронза медалини қўлга киритган эди. 

Мураббийлар Бекзоднинг Осиё ўйинларига қадар янги вазнга мослашиб олиши учун қитъа чемпионатига борадиган таркибга киритишмади. Икки йиллик танаффусдан сўнг катта спортга қайтган Ҳасанбой Раҳимов аввалги ҳолатини тиклаб олиши лозим. Айнан шу сабаб билан энг оғир вазнли курашчимиз ҳам Мўғулистонга бормади. 

Терма жамоамиз таркиби:

-57 кг: Ғуломжон Абдуллаев

-61 кг: Жаҳонгирмирзо Туробов

-66 кг: Аббос Раҳмонов

-70 кг: Бегижон Қўлдошев

-74 кг: Ихтиёр Наврўзов

-79 кг: Жасурбек Усмоноҳунов

-86 кг: Бобур Исломов

-92 кг: Ажинияз Сапарниязов

-97 кг: Муҳаммадрасул Раҳимов

-125 кг: Сардорбек Холматов

Мураббийлар - Олимжон Ҳикматов, Абдурауф Бозорбоев