Эртага Чироқчида белбоғли кураш бўйича Ўзбекистон чемпионати бошланади

Болалар-ўсмирлар спорт мактабида ўтказиладиган мамлакат биринчилигида 2009-2010 йилларда туғилган ўғил болалар ва қизлар медаллар учун гиламга чиқади.  

Қашқадарё вилоят белбоғли кураш федерацияси раиси, халқаро тоифадаги ҳакам Фарҳод Жумановнинг таъкидлашича, ушбу Ўзбекистон чемпионати мусобақасини  юқори савияда ўтказиш учун барча шарт-шароитлар муҳайё қилинган. 

Ўзбекистон Республикаси Спортни ривожлантириш вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур мамлакат чемпионати баҳсларида ўғил болалар белбоғли кураш ва эркин йўналишда 10 тадан вазн тоифасида кураш тушишса, қизлар эркин йўналишда 7 та вазн тоифасида беллашишади.    

Илҳом РАҲМОНОВ тайёрлади