21 сен 10:21
Янгиликлар
Бокс/ММА
Эртага Ғоибназаров рингга чиқади, бугун тарозидан ўтиш маросими
Профессионал боксда фаолият олиб бораётган Рио Олимпиадаси чемпиони Фазлиддин Ғоибназаров бугун ўзининг навбатдаги жангини ўтказади.
Ҳамюртимиз АҚШнинг Аризона штати Тусон шаҳрида фаолиятидаги учинчи жангида рингга кўтарилади. Унинг рақиби мексикалик Виктор Росас бўлади. Жанг 8 раундга белгиланган.
10 октябрь куни 30 ёшга тўладиган Росас профи рингда
15 та жанг ўтказган бўлиб, уларнинг 9 тасида ғалабага эришган. Учта жангини
нокаут билан якунлаган. Мағлубиятлари сони 6 та. Бир бор нокаутга учраган. Фазлиддин
эса ҳар иккала жангида зафар қучган.
Эслатиб ўтамиз, Ғоибназаров машҳур промоутер Боб Арумга тегишли Top Rank промоутерлик компанияси байроғи остида ўз жангларини ўтказиб келяпти.
Маълумот учун, у сўнгги жангини 20 май куни Нью-Йорк шаҳридаги дунёга машҳур “Мэдисон Сквер Гарден” аренасида ўтказиб, америкалик Агустин Маурасни мағлубиятга учратган эди.
Ҳавола :
Манба : olamsport.com
Фикрлар