03 мар 14:21
Янгиликлар

Бокс/ММА

Эртага ҳамюртимизнинг шогирди чемпионлик камарини ҳимоя қилади

Бизнинг вақт билан эртага тонг саҳарда АҚШнинг Нью-Йорк шаҳрида профессионал бокс кечаси бўлиб ўтади.

Оқшомнинг марказий жангида ярим оғир вазн тоифасида WBO йўналиши чемпиони бўлиб турган россиялик Сергей Ковалёв ҳамюрти Игорь Михалкиндан чемпионлик камарини ҳимоя қилади.

Эътиборлиси, Ковалёвга ўзбекистонлик мураббий Аброр Турсунпўлатов устозлик қиляпти. Турсунпўлатов Олимпиада чемпиони Фазлиддин Ғоибназаровнинг шахсий мураббийи ҳисобланади.

Бугун тонгда боксчилар тарозидан ўтиш маросимида иштирок этишди. Ҳар иккала боксчи ҳам белгиланган вазн лимити (79,4 кг)ни бажаришди. Ковалёв 79,2, Михалкин эса 78,3 кг тош босди.