ESPN NBA тарихидаги энг буюк 75 баскетболчи рейтингини тузди + ФОТО

Унга кўра барча даврларнинг "Энг яхши баскетболчи"си сифатида "Чикаго Буллз"нинг афсонавий ўйинчиси, олти карра лига чемпиони Майкл Жордан эътироф этилди. Ушбу рейтингда иккинчи ўрин "Лос-Анжелес Лейкерс" етакчиси ЛеБрон Жеймсга насиб этди.

Шунингдек, кучли ўнликдан афсонавий Карим Абдул-Жаббар, "Лос-Анжелес Лейкерс" афсонаси Мэжик Жонсон, Уилт Чемберлен, 11 карра NBA чемпиони Билл Расселл, уч карра NBA чемпиони Ларри Бёрд, беш карра NBA чемпиони Тим Данкан, Оскар Робертсон ва "Лос-Анжелес Лейкерс"нинг машҳур баскетболчиси Коби Брайант жой олди.

Бундан ташқари, NBAнинг 11 нафар фаол баскетболчиси ҳам ушбу рўйхатга кирди: Леброн Жеймс (2-ўрин), Кевин Дюрант (12-ўрин), Стевен Карри (16-ўрин), Яннис Адетокунмбо (18-ўрин), Крис Пол (29-ўрин), Кавай Леонард (33-ўрин) ), Жеймс Харден (50-ўрин), Рассел Уэстбрук (68-ўрин), Кармело Энтони (69-ўрин), Энтони Девис (71-ўрин), Демиен Лиллард (75-ўрин).