18 сен 08:40
Янгиликлар

Бошқалар

Евробаскет-2017. Cловения - ўз тарихида илк бор Европа чемпиони!

Баскетбол бўйича эркаклар жамоалари ўртасидаги Европа чемпионати ўз якунига етди.

Туркиянинг Истамбул шаҳридаги “Синан Эрдем Даум” аренасида ҳал қилувчи финал учрашувида Словения ва Сербия терма жамоалари ўзаро тўқнаш келишди. Ўйинда бироз кутилмаган натижа қайд этилди.

Словениялик баскетболчилар Сербия терма жамоасини 93:85 ҳисобида мағлуб этди. Словениянинг ғалабасига “Майами Хит” ҳимоячиси Горан Драгичнинг ажойиб ўйини ҳам замин яратди. У 35 очко жамғаришга муваффақ бўлди. Словения ўз тарихида илк бор Европа чемпионига айланди.