08 май 12:41
Янгиликлар

Бокс/ММА

Сербия Ташқи ишлар вазири "Олимпия шаҳарчаси"да бокс бўйича Осиё чемпионатини томоша қилди (ФОТО)

Сербия Республикаси Ташқи ишлар вазири Марко Журич Спорт вазири Адҳам Икрамов ҳамроҳлигида "Олимпия шаҳарчаси" замонавий спорт иншоотлари билан яқиндан танишди.

Ташриф давомида меҳмонлар спортчилар учун яратилган шароитлар, "Олимпия шаҳарчаси"да ўтказилаётган мусобақалар, машғулот ва тикланиш жараёнларини кузатди. Шунингдек, меҳмонларга шаҳарчада халқаро мусобақаларни юқори савияда ташкил этиш имкониятлари ҳақида маълумот берилди.

Шунингдек, спорт соҳасидаги ҳамкорлик истиқболлари, спортчилар ва мутахассислар ўртасида тажриба алмашиш масалалари юзасидан фикр алмашилди.

Мартабали меҳмон Ўзбекистон Президенти ташаббуси асосида бунёд этилган ушбу ноёб "Олимпия шаҳарчаси" келгусида мамлакат спортчиларининг юқори натижаларни қўлга киритишида муҳим аҳамият касб этишини таъкидлаб ўтди.