31 дек 14:58
Янгиликлар

Футбол

Европанинг ТОП клубларига "Ал Ҳилол" футболчиси кeрак

Саудия Арабистонининг "Ал Ҳилол" ҳимоячиси Жоау Канcело январ ойидаги трансфер ойнасида клубни тарк этиши эҳтимоли юқори.

Бу ҳақда инсайдер Фабрицио Романо хабар берди.

Манбанинг сўзларига кўра, "Интер" Канcелони сотиб олиш шарти билан ижарага олмоқчи. Шунингдек, "Барселона" ва "Ювентус" ҳам сўнгги 48 соат ичида "Ал Ҳилол" билан боғланиб, Канcелонинг транфери бўйича маълумот олишган.

31 ёшли Канcело 2024 йилнинг ёзидан бери "Ал Ҳилол"да ўйнаб келмоқда. Бу мавсумда португалиялик футболчи клуб сафида олтита ўйинда майдонга тушиб, битта гол урди ва иккита голли узатмани амалга оширди. Жоаунинг клуб билан амалдаги шартномаси 2027 йил июнь ойининг охиригача амал қилади.