09 июл 17:50
Янгиликлар
Бокс/ММА
Фармер 11 ой ичида бешинчи маротаба камарини ҳимоя қилади
Биринчи енгил вазн тоифасида IBF чемпиони Тевин Фармер 27 июль куни навбатдаги ҳимоя жангини ўтказади.
Шу куни 28 ёшли жаҳон чемпиони IBF рейтингида 3-ўринни эгаллаб турган Гийом Френуага қарши рингга кўтарилади. Ушбу жанг Фармер учун сўнгги 11 ой ичидаги бешинчи чемпионлик ҳимоя жанги бўлади.
Тевин ўтган йилнинг август ойида Австралияда Билли Дибани мағлубиятга учратиб, ўша пайтда вакант бўлиб турган IBF камарини қўлга киритган эди. Шундан сўнг у октябрь, декабрь ва шу йилнинг март ойларида чемпионлик унвонини ҳимоя қилди.
Фармернинг промоутери британиялик Эдди Хирн боксчига катта умид боғламоқда. Унинг айтишича, Тевин Фармер узоғи билан келаси йили WBA чемпиони Жервонта Дэвисга қарши бирлаштирувчи чемпионлик жангида рингга кўтарилади.
Ҳавола :
Фикрлар