05 янв 14:01
Янгиликлар
Теннис
Дэвис кубоги. Ўзбекистон терма жамоасининг рақиби маълум
Теннис бўйича эркаклар терма жамоалари орасида норасмий Жаҳон чемпионати ҳисобланмиш "Дэвис кубоги" мусобақасининг II Жаҳон гуруҳи жуфтликлари маълум бўлди.
Ўзбекистон терма жамоаси ўтган йилнинг сентябрь ойида II Жаҳон гуруҳи плей-офф босқичида Гонгконгга мағлуб бўлиб, гуруҳда қолиб кетганди.
Энди вакилларимиз I Жаҳон гуруҳига чиқиш учун Нигерия синовидан ўтиши керак бўлади. Ўйин 6-8 февраль кунлари оралиғида Нигерияда бўлиб ўтиши белгиланган.
Жамоалар шу кунгача ўзаро ўйин ўтказмаган.
Нигерия терма жамоаси ўтган йилнинг август ойида III Африка гуруҳида Жазоир, Зимбабве ҳамда Сенегал устидан ғалаба қозониб, кейинги босқичга йўлланмани ютиб олганди.
Маълумот учун, Ўзбекистон терма жамоаси "Дэвис кубоги" рейтингида айни дамда 49-ўринни эгаллаб турибди. Нигерия эса бу рейтингда 74-ўринда қайд этилган.
Ҳавола :
Манба : olamsport.com
Фикрлар