07 янв 18:17
Янгиликлар

Бокс/ММА

Қозоғистоннинг World Boxing ва IBA'даги келажаги ҳақида баёнот берилди

Қозоғистон Республикаси туризм ва спорт вазири Ербол Мирзабосинов Қозоғистон World Boxing аъзоси бўла туриб, нега IBA жаҳон чемпионатида иштирок этганига изоҳ берди.

"Халқаро Олимпия қўмитаси билан ишлайдиган асосий ташкилот — World Boxing. У ерга машҳур боксчимиз Геннадий Головкин раҳбар сифатида тайинланган.

IBA ташкилотига келсак, маълумки, келажакда у тижорат мусобақаларига айланади. Ҳозирги пайтда дунёнинг энг кучли мамлакатлари ҳам ташкилот мусобақаларига ариза топширгани ва бу турнир асосан тижорат нуқтаи назаридан қаралаётгани сабабли, биз боксчиларимизни ушбу мусобақада қатнаштирамиз.

Бу икки ташкилот келажакда қайси форматда ишлаши халқаро ташкилот томонидан ҳал қилинади. Ҳозирча эса халқаро турнирлар ўтказилаётган экан, спортчиларимизга қўшимча мусобақа амалиёти керак", — дея тушунтирди вазир.

Ҳавола :

Манба : sports.kz

Рейтинг: +1