Неймар ва "Сантос" шартномани 2026 йил якунига қадар узайтирди

"Сантос" клуби Неймар билан шартнома узайтирилганини расман эълон қилди. Янги келишув 2026 йилнинг охиригача амал қилади.

Эслатиб ўтамиз, Неймар 2025 йилнинг январь ойида "Сантос" аъзосига айланган эди. Бразилия чемпионатининг ўтган мавсумида у 20 та ўйинда майдонга тушиб, 8 та гол уришга муваффақ бўлди. Декабрь ойида ҳужумчи менискидан операция қилинган эди.