Файзиев Андижон “Фьючерси”ни ғалаба билан бошлади

Ҳамюртимиз Санжар Файзиев дунёнинг ўндан ортиқ давлати теннисчилари иштирок этаётган ушбу мусобақанинг биринчи ракеткаси сифатида ғолиблик учун баҳсларга киришди.

Мамлакатимизнинг иккинчи ракеткаси илк даврада беларуслик Микалай Халякка қарши кортга чиқди ва рақибини 6:3, 6:2 ҳисобида мағлуб этди. Павел Цой яна бир теннисчимиз Аброр Исоқовни 6:4, 4:6, 6:1 ҳисобида енгди.

Ўзбекистонлик икки теннисчи - Шониғмат Шофайзиев ва Шаробиддин Абзалов баҳсида тажрибали Шофайзиев 2:6, 6:3, 6:4 ҳисобида зафар қучди. Бугун қолган теннисчиларимиз биринчи даврада кортга чиқишади.