11 июл 15:02
Янгиликлар

Теннис

Файзиев Чехиядаги иштирокини ғалаба билан бошлади

Мамлакатимизнинг иккинчи ракеткаси Санжар Файзиев Чехиянинг Пардубице шаҳри мезбонлик қилаётган мусобақадаги иштирокини бошлади.

Турнирнинг мукофот жамғармаси 25 000 АҚШ долларини ташкил этади. Файзиев турнирда иккинчи рақам остида ҳаракат қиляпти. Ҳозиргина у илк давра учрашувини ўтказди.

Чехиялик Робин Станекка қарши кортга чиққан теннисчимиз 1 соату 35 дақиқа давом этган учрашувда рақибини 6:4, 7:5 ҳисобида мағлуб этди. Файзиев дунё рейтингида 265, Станек эса 565-ўринни эгаллаб турибди. Энди Санжар иккинчи даврада австриялик Ненад Владусич билан тўқнаш келади.